公告版位

目前日期文章:201405 (2)

瀏覽方式: 標題列表 簡短摘要

                                              楊麗卿 

有一站仔的暗時,牽狗去公園散步攏會phīⁿ 著一種臭羶臭羶[tshàu-hiàn] 的味,這種味足野,有淡薄仔親像khau土豆的時,土豆 離土,hit 種分būe清楚是土抑是葉仔的氣味,我知影這是烏枋樹的味,因為佇阮外家大埕邊嘛有種幾若叢。阿爸愛種花木,規大埕不是花就是樹仔,逐擺返去猶būe到厝就看著烏枋樹徛懸~~懸、直~-直,佇遠遠咧共阮擛手[ia̍t-tshiú],烏枋樹下囥足濟款的椅仔,有阿爸的the-í,有椅條、有圓椅仔、有塑膠做的小交椅,嘛有小弟家己凊彩做的柴頭椅仔,一二十塊,食飯飽,大家踮樹下開講看種烏枋樹身的蘭花,烏枋樹的樹皮是鳥鼠仔色的,有烏枋樹殕殕[phú- phú]的樹身做底色,茄仔色的蝴蝶蘭愈影目,有當時阮會學阿爸倒踮樹腳睏中晝,烏枋樹的葉仔būe輸手掌共款,有長的有短的、葉面是深綠色的,不過對下底看去,葉仔的倒面顛倒是淺綠色的,樹椏 [ue]一對一對平pāng pāng [ thián]開,天頂的日頭閃空閃縫對--落來,將樹下割做有光、有暗、有深、有淺,足濟款的線條,空氣中的浮塵予日頭照著,發出微~的光,遠遠看去一層一層袂輸香環咧足優美。花期到,青白色、細細的花蕊發出臭羶[tshàu-hiàn ]的花芳,暗時芳味閣較重,埕裡的花木重重疊疊的芳味嘛偷偷仔軁入人的心內。

adan2008 發表在 痞客邦 PIXNET 留言(0) 人氣()

DSC_3797_.jpg DSC_3803_.jpg DSC_3806_.jpg DSC_3818_.jpg DSC_3822_.jpg DSC_3836_.jpg  


adan2008 發表在 痞客邦 PIXNET 留言(0) 人氣()

找更多相關文章與討論