2010.2.28
三叔公是阮阿公的叔伯小弟，在我六歲以前我對伊沒印象，一直到有一工我行過大廳聽到鑼鼓的聲，復有查甫人尖著喉嚨在唱歌仔戲，歌詞大約是：「我清早e起來啊鬧啊chha-chha，王婆起來啊掛店牌，店牌掛起寫三字，要寫三字見來成……」，原來這是內子弟戲在練習，聽講卡早阮老爸還在咧是搬小生，柳仔叔做小旦，啊那今仔在唱的是丑仔，我愛叫伊三叔公。
公告版位
目前分類：台語文 (27)
- Apr 28 Wed 2010 20:56
三叔公的漏氣事
- Apr 09 Fri 2010 22:43
阿等
2010 3.19
你若佇電腦打一字「等」，會走出來「等」、「阿等」、「等等」、「等阿等」……奇奇怪怪的組合。In到底teh等甚麼咧？我的乳仔名嘛是呼做「阿等」，敢講這寡人oān-nā 是佮我共款teh等一個小弟？
- Apr 09 Fri 2010 22:37
坐在雞罩內的查某囝仔
2010.3.7
我的腦海內一直攏有一個影，就是一個查某囝仔ku佇雞罩內，因為做囝仔的時陣，阮兜門口埕邊有一個水khut仔，我計是(以為)he是in阿母驚伊puah8落去水khut仔、才ka7伊罩佇雞籠仔內。有一擺我雄雄開嘴問阿母，阿母講哪有這款事誌，我講若無是按怎我一直攏看着這個影咧？阿母想規半晡才講，敢會是恁阿m2（伯母）講in孫是掃帚星剋死恁阿伯，欲ka7伊燒--死彼件事誌。啊！原來如此！莫怪印象中hit個查某囝仔的目睭才會彼呢驚惶的款失，土腳復有彼呢濟的稻草！我足不敢相信，阮竟然有即呢野蠻的家族，俗語講：虎毒不食子，阿媽竟然想欲燒死親生孫，這是什麼款的想法，是戅、抑是迷信！封建時代無開化的社會咧講：最毒婦人心，莫非你的名就是叫做婦人心？
- Mar 01 Mon 2010 21:34
風木哀思
媽媽您做仙去囉！您怎會這麼忍心放捨您最疼惜的後生、媳婦、查某囝仔做您去咧？您照顧我們姐弟幾若十冬，阮們姐弟煞連一分鐘都沒給您奉待，媽媽阮們足不甘！嘛足不孝！您要走連半句話都沒留給阮們！後擺阮們若遇到代誌是要靠誰人給阮們教示咧？
媽媽您足安詳的倒在冰箱，逐次冰箱蓋打開，阮們看您面肉還紅芽紅芽，阮們叫是您還在睏，阮們足想要給您叫起來，叫您起來跟阮們破兜，媽媽阮們姐弟千聲萬句，攏叫您不起來，阮們兮心未輸針在錐啦！阮們足想要給您撒嬌，要給您講您最疼惜兮子孫，足想要吃您做兮醬瓜、鹹粿啦，媽媽你若會這麼獒煮吃，你煮兮氣味那麼香，那麼有滋味，阮們攏還學未曉，您若甘放阮們姐弟做你去？後擺阮們若腹肚枵，阮們是要去倒位叫阿母來煮咧？媽媽您去做仙，後擺誰人要煉雞湯給阮們姐弟補身體咧？媽媽您感不知？沒有老母兮囝仔外可憐，連北風嘛「盛盛叫」欺負阮們沒爸沒母通偎靠！媽媽您感不知沒有老母兮囝仔卡輸路邊兮野草？您怎會這麼忍心放捨阮們做您去啦！媽媽
