阿等

  媽媽您做仙去囉！您怎會這麼忍心放捨您最疼惜的後生、媳婦、查某囝仔做您去咧？您照顧我們姐弟幾若十冬，阮們姐弟煞連一分鐘都沒給您奉待，媽媽阮們足不甘！嘛足不孝！您要走連半句話都沒留給阮們！後擺阮們若遇到代誌是要靠誰人給阮們教示咧？

   媽媽您足安詳的倒在冰箱，逐次冰箱蓋打開，阮們看您面肉還紅芽紅芽，阮們叫是您還在睏，阮們足想要給您叫起來，叫您起來跟阮們破兜，媽媽阮們姐弟千聲萬句，攏叫您不起來，阮們兮心未輸針在錐啦！阮們足想要給您撒嬌，要給您講您最疼惜兮子孫，足想要吃您做兮醬瓜、鹹粿啦，媽媽你若會這麼獒煮吃，你煮兮氣味那麼香，那麼有滋味，阮們攏還學未曉，您若甘放阮們姐弟做你去？後擺阮們若腹肚枵，阮們是要去倒位叫阿母來煮咧？媽媽您去做仙，後擺誰人要煉雞湯給阮們姐弟補身體咧？媽媽您感不知？沒有老母兮囝仔外可憐，連北風嘛「盛盛叫」欺負阮們沒爸沒母通偎靠！媽媽您感不知沒有老母兮囝仔卡輸路邊兮野草？您怎會這麼忍心放捨阮們做您去啦！媽媽

  媽媽自您皈仙以後，厝邊隔壁、親朋、戚友攏來給您參香禮拜，大家攏在呵咾您做人足好、足慈祥、講您肚腸寬、講您人人好……媽媽做您兮囝仔，阮們足幸福，您不會給阮們扑，不會給阮們罵，最多乾搭會講：「喔！你真害！」媽媽您雖然不識字，不過您講兮話攏足有道理，親像您常常在講：「一個囝仔在腹兜十個月就會放咧，你一句話就袜會忍咧」勸阮們萬項代誌要吞忍、要沉著，你嘛教示阮們：「心好沒人知，嘴歹通人知」叫阮們：「好歹在心內，喙唇皮仔相款待。」媽媽雖然今仔晝您年老去了，不過您兮面肉還那麼媄，逐家攏在講您這款面肉哪有可能倒落去？媽媽阮們知影一定是阮們沒夠有孝，才會害您袜凍吃百二啦！媽媽阮們足不孝，嘛足不願您走啦！

  媽媽做您兮囝仔我們足好命！您不時嘛給阮們疼命命！會記得有一次我挽嘴齒疼ㄍ˙ ㄚ袜吃，您叫我返來，講要煮糜給我呷……我一返來您怕糜太燒，一碗糜盛做十外碗，給我一碗一嘴，逐家攏笑您獒寵囡子，媽媽我足好命有您通惜，不過您不是乾搭對我偏心，對阮們姐弟您攏仝款，逐工不是叫阮們返來挽菜，就是叫阮們返來抓雞，今仔晝您沒在囉！後擺阮們若再身苦病痛，有誰人通煮糜給阮們呷？有誰人要焄蜆殼草、烘雞肉……給阮們姐弟食咧，媽媽沒您阮們足艱苦，媽媽阮們足想您，您感會知？

  媽媽您做阮們的老母您足辛苦，自您嫁來咱兜，咱兜散赤，您一工到暗不是去田裡作穡，就是飼牛、飼豬、飼雞鴨，家在有您這麼打拚，咱兜才扑會過，您在生不曾過過好日子，您生九個囝仔，活五個，逐擺做月內，別人攏是燒燙燙兮麻油雞佮腰子，您乾搭有醬瓜、菜埔通配鹼，媽媽阮們欠您兮實在有夠多，媽媽您少年時咱兜沒通給您好吃用，今仔晝阮們姐弟攏大漢囉，阮們才想要好好報答您養育兮恩情，您煞忍心放捨阮們忍心做您去，阮們姐弟還戇戇，叫是媽媽您永遠會在阮們兮身邊，阮們姐弟還戇戇叫是要有孝還有時，誰吃人獒天做對頭，誰知您喝去就去，連孫仔對北港買回來兮蠶豆嘛袜赴給您吃，我們今仔晝會凍做兮只有多燒一些錢給您，做頭七兮時阮們燒足多兮蓮花、元寶、庫錢佮衫仔給您，您感有收到？那麼多衫仔，有的是阿爸卡早買給您兮，有的是新婦、查某囡仔、子婿買給您兮，攏還新點點，平常時您不甘穿啦，媽媽您若會這麼戇，您對阮們這麼好，阮們就算阮們將金山銀山攏買給您，嘛無法度報答您兮恩情啊！媽媽您若會這麼戇？您乾搭會曉給子孫仔食好、穿好，您若不曉對家己卡好一下，媽媽您若天那麼大兮恩情，阮們是要按怎報答您啦「」

  媽媽人說做頭七您會返來看阮們，您感有返來厝前後壁巡巡看看？您感有去雞槽行行兮？您若有返，來您若會沒來阮們ㄟ夢中給我看看呢？媽媽您兮笑容，您兮形影我們足思念，親愛ㄟ媽媽，古早人在講：「樹欲靜而風不止，子欲養而親不待」失去媽媽是阮們姐弟永生兮遺憾佮悲傷，媽媽希望您在天之靈，藥保又軟們姐弟永遠和好、健康、平安，阮們嗎希望媽媽您會凍離苦得樂前往，西方極樂世界！親愛兮媽媽永別囉！親愛兮媽媽幾若十年兮母仔子！只有夢中再見囉！媽媽！媽媽！