一支菸 @ 阿等 :: 痞客邦 ::

一支菸

2010.3.29

火爐伯佮In某古仔Ê是竹圍內上閒的翁仔某。In無子無兒，無田無厝，火爐伯少年的時，敢有食過頭路我不知影，不過自我識伊，伊就佮In姪仔住做伙、靠In食穿，我不曾看過伊做穡，不過庄內若有好事抑是歹事，伊攏會佇彼k„人觀頭看尾，若無就是予人差去買物件，In姪仔若有錢予伊，伊就來阮的k¡m仔店仔買檳榔，若無伊就干乾來做店仔teng，（表示伊是常客，哪親像店的支柱），伊雖然無錢，不過 bãe k„人討，亦 bãe手賤k„人損盪物件，人咧講話伊攏ti„m-ti„m聽，有時應兩三句-¡ 嘛bãe佮人tš-t‹Á(頂撞鬥嘴)，若有人請伊食檳榔，伊就ti„Á-ti„Á ti…m彼p¦ 伊hit口未輸永遠食bãe完的檳榔，大部分的時間伊攏咧 tuh-ku，雖然伊的嘴予檳榔染kah紅吱吱，不過嘛無人會趕--伊抑是嫌伊。

識火爐伯的時、是阮兜上好運的時陣，彼ˆ時阮才對綿仔間搬來大庄住，雖然綿仔間屬四鄰，大庄屬七鄰，共款攏是頭前寮庄，不過 hit-ˆ 時阮兜開什貨仔店、復開米k¡，是按怎阮兜會時來運轉呢？這講--起來未輸咧眠夢。

有一工阮阿爸遇著一個田頭家講伊欲賣田，問阿爸欲買booh？阿爸講：「今仔日逐個攏用三輪的ph•ng-phuh-仔，我牽牛車、無啥出脫，我嘛想欲轉行，你hit 塊地佇溝仔邊，我若開k¡m仔店，早起時查某人來洗衫欠茶箍就來k„我買，衫洗好順續買油鹽返去，包會賺錢，不過睏bàng 睏不通hƒm-bŒn，我散kah欲予鬼抓去、哪有錢通買！」田頭家講阿爸雖然無錢、不過有信用，就講、我的地先賣予你，你才復去招人公家買就好……有即呢譀的事誌，阿爸有影就用身軀的八箍銀買一兩甲地。

不但按呢，阮兜的好運猶有，hit 個時陣抵好頭一擺的石油危機，逐項攏起價，不過阮兜佇hit 個時有夠好運，阮今仔日買甚麼、明仔ch…i 就起甚麼，會使講買糖糖起，買油油起，我猶會記得彼 ˆ 時一百斤粟 240箍，翻轉日就起 kah 420箍、後--日隨時變做六仔一，甚至起到千外，hit兩年阮兜實在有夠tshia-i„ⁿ，不但佮散赤講 sayonala，猶有人謠傳阮是庄-e上好額的人。

阿爸散過頭，知影散人偌艱苦，所以火爐伯若來攏會請伊食菸，亦是請伊p¦檳榔。若過年過節嘛會叫我送米去予火爐伯，特別是選舉期，阿爸若是做 khit-a頭，厝內的菸屯規間，阿爸就會偷偷仔掩一支予伊（一支菸，術語，即十包菸，華語稱一條，當時一包長壽菸22箍，買一支俗10箍，就是210箍），伊逐擺攏收起來，復講：「不時予恁請，歹勢！」hit 個陣仔收的人收kah足自然，送的人嘛無感覺，我嘛感覺阮會一直送--落去。

無想著「有時天光，有時暗暝」，好日子彼呢緊就過去！有影是：「人無千日好、花無百日紅」，tshia-iaⁿ的日子無落魄的久。彼幾冬雖然阿爸的生理做真大，不過阮是散底--的，做生理的本錢攏是借來的，hit個時陣土地登記足嚴，阮hit間米k¡地目是田，bãe 使登記做店，因為無營業登記就無法度k„ 銀行借錢，只好攏 k„ 民間lši，民間的利息重、三年一母，賺的錢未輸查某k¡n ko„ⁿ肉、別人的，賺的錢攏予債主提了了，漸漸就開始liok三點半囉。

1983 hit年抵好我欲結婚，亦欲佮翁出國留學，阿爸無錢，去當店買一個手表送子婿，送我一張飛機票，復結1500箍的美金予我。阿爸講、大嫁 kah火車，小嫁 kah番仔火，恁家己愛保重，我干乾會當按呢 n„-ti„Á。

到美國無偌久，大姊夫寫批來講阿爸bãe 曉收美國批，叫我批寄去in兜予伊來轉就好，電話嘛敲in兜就會使，較免予阿爸開錢，我就照按呢做。

忽然！有一工大姊敲電話講阿爸佇加護病房，叫我趕緊返來台灣，我心狂火熱著趕--返來，三姊夫去桃園機場接我，嘛我去醫生館，阿爸無想著我會返--來，歡喜一下、雄雄坐--起來，第二工奇蹟出現，阿爸徙出來普通病房，一禮拜後出院，大家攏講這是我返--來，阿爸歡喜才會好即呢緊，無論是按怎，我足歡喜阿爸會當復加活十外冬。

返去厝我才知原來不是阿爸bòe曉收批，是阿爸復搬返去棉仔間囉。原因是阿爸的朋友陳-‰，講伊欲買機器，銀行愛保證人，叫阿爸k„伊背書，阿爸想講陳-‰比阮較有底，復是即呢濟冬的好朋友，就k„伊做保。

想未到陳-‰ 錢提到手，半暝仔伊就偷走，銀行叫阮愛還錢、就來查封，阮原本的債主聽著阮予銀行查封，就來摧阿爸緊還錢。嘛有人講：「炎仔、這不是你欠的，陳-‰走，你嘛趕緊走！」，阿爸講：「未使得，我的後生猶少年，我若走！伊佇社會會予人ph—i 痰ph—i 涎，」阿爸只好k„ 債主tshš 折，協商條件講好，阿爸就賣田、賣厝、賣店……總賣！好佳哉有一塊地是較早三七五減租的時，三姑可憐阿爸某子飼bãe 飽，送予伊的，不過一直攏無過名bãe當賣，所以暫時會當搭鐵厝住在彼，阿爸才不免做乞食。我講逐項攏賣去-a，這台裕隆仔那猶佇咧？阿爸才講一段往事。

阿爸講：

咱破產了後，有一工恁頭仔伯來看我，恁頭仔伯少年佮我是牽牛車伴，今仔日復hiah呢有錢，我計是伊欲提錢來借我，無想著伊一下開嘴就講：「炎仔你今仔日破產，復駛車會予人議論，不如車來賣我，我出較好價予你啦」。阿爸想講有道理，問伊欲出若濟？頭仔伯講：「一萬啦，較濟免講」，阿爸聽了g„ng-g„ng(愣愣)去講：「這台車無十萬嘛有五萬、這款話你講會--出來，我較散，嘛無欠這一萬箍，你返去、後擺不免來囉……」。就按呢，生理無成情分嘛無去。

無若久火爐伯來看阿爸，阿爸k„伊講：「爐仔這tsãa你愛白行囉，我無物件通予你-… 」，火爐伯講：「三八兄弟，我想、你穩當足久不曾食著菸，我是提一支菸欲來予你-e，這！提去」……」阿爸講：「你即呢艱苦、我哪會使你提的物件，你提返去」，火爐伯講：「較早我食你彼呢濟物件，是按怎你bãe使得食我一支菸……」送的人送kah足自然，收的人足勿會慣習，不知欲感動抑是欲哭？